- ناغیللارلا یاشادین
گؤیده ن اوچ آلما دوشدو
بیری...بیری...بیریده...
بیری سنه چاتاراق ، سئویندین
- یاتدین
بوگون
- ناغیللارلا یاشاییرسان
گؤیده ن اوچ آلما دوشور
ناغیل دییه ن سؤیله ییر:
بیری منیم،بیری اؤزومون،بیریده ناغیل دییه نین
سنه آلما چاتماییر
داهاناغیللارلا یاشاماق،یاتماق ایسته میره م
- دییه دییه
یئنه!!!
یاتیرسان!!!
بئله گئتسه:
صاباح
ناغیلسیز،آلماسیز و...
یاتمالیسان.
>>> latinca <<<
چاتلاقلارینی
هر دفه اؤپنده یاغیش داملاسی
عطرینی دویورام غم یئللرینده ن
اللریم قانداللی
دیلیم سه یاساق
اؤپوشلر دوداقیمدان آسیلی قالیر .
>>> latinca <<<
وطـــن دردیله سارسیلمیش،اوره ک اولمـاقـدادیرشان شان
اومـــودلا قـــووزانیر یئـرده ن ،اوچـــور آرزیـلا هـــــر سمــته
ده ییـر مفتیل لــره مـــؤحکم ، قانادلار بـوس بـوتون آلـــقان
گــــونش باتمیش،گئــــجه یاری،نه آی واردیـر نه اولــدوزلار
اوره ک داغلی چاریین چارپاز،چؤکوب ظولمت سؤکولموردان
تیکیلمیش یول لارا گــــؤزلر،منیم تک سئــــــوگیلین گـؤزلر
اوخــو بولبول اوخـو بولبـــول ، بو حسـرتده ن قارالمیش قان
سســینده شــهدی شهناز وار ،آرازباری ســـمایی شمس
سئگاه ، دیلکش ، زمین خواره ،شکستئیله قوپارت طــوفان
منیـــمده کـــؤنلوم حســرت له ، ائکیز گلمــیشدی دونیایه
دئمک بیز دوغمــاییـق سن له ، یانیقلی نغمــه نه قـوربان
یولونموش سیمــلری ،کونلوم دوشوب کــؤکده ن یاد اللرله
گئنــیش دونیاده قـارغـام من تاپیـــلمیــر دردیمـــه درمــان
قالیبـدیر چاره سیز ((سـیرداش))گووه نسین کیملره یارب
نه مـوددت دیر دی کی اولموش عینادلا قـــول بویون دؤوران
آددیم-آددیم گــــــونده بیر آز
بئله یورتداش سیرداش اولماز
اؤگئی لشدیک یاواش یاواش
کؤنول وئردیک هر بیر ســؤزه
گـــــؤستـردیلر بهشت بیــزه
یاد ایــزلــری گــــزه – گــــزه
اؤگئی لشدیک یاواش یاواش
آیری دوشـدوک ایزیــمیزده ن
اوزاقلاشدیق کــؤزومــوزده ن
اؤزومــــوزده – اؤزومـــوزده ن
اؤگئی لشدیک یاواش یاواش
ســــیزاق اســـیر بوجاقلاردا
هنـــــیرتی یــوخ اوجاقــلاردا
آیــری – آیـری قـــــوجاقلاردا
اؤگئی لشدیک یاواش یاواش
اوت کـــؤکـــونون اوسته بیته ر
" آیـریلـــــیقدان نه وار به ته ر"
دوغمــــالاشاق بسدی یئته ر
- اؤگئی لشدیک یاواش یاواش
گـــــووه ندیک داغــلارا بـورودو دومان
ایـزله دیک اینامی گــؤروندو گــــومان
فلگین آت گئتمه ز یول لاری چوخ وار
آختاردیق ویصالی تاپیلـــدی حسرت
اکدیک محببتـی گــویه ردی نیــفرت
سیغیندیق گوندوزه دوغولدو ظولمت
باش آچا بیلمــــیرم نه دیر بو اسرار
ساریلـــدیق بیرلیــــگه کنــدیر اوزولدو
بال اومدوق پته ک ده ن زهَرسوزولدو
آچیــــق سوفره میزه میلچک دوزولدو
اولمـــــوشوق بئــله جه بیزده گرفتار
یاغیش ایسته ییردیک دولـو تـوکولدو
مین ایل قوردوغوموز بیر آن سؤکولدو
اومــــود دیره گینین قـددی بـوکـولدو
دئمـــک بـو دونیــایـا یــوخدو اعتیبـار
ایستی اوجاقلاردان توستــو پاییمیز
چــووغـونلــو قیشلارا دؤنوب یاییمیز
کیمسه یه چاتماییر های هاراییمیز
دونیــانین قــــولاغی کار اولوبدو کار
